Global Blue z 4 žniŭnia admianiła kamisiju za viartańnie PDV z kožnaha čeka Tax Free na sumu bolš za 10 jeŭra, havorycca na sajcie Technabanka.
«Z 4 žniŭnia 2015 kamisija ŭ 1 jeŭra za vypłatu najaŭnymi pa čeku Tax Free kampanii Global Blue, viartańnie pa jakim składaje bolš za 10 jeŭra, skasoŭvajecca», — udakładniajecca ŭ paviedamleńni.
Razam z tym śpiecyjalisty adznačyli, što kamisija pa čekach kampanii Global Blue, aformlenych u FRH, viartańnie pa jakich składaje bolš za 10 jeŭra, pa-raniejšamu składzie 1 jeŭra.
Jak paviedamlałasia, Global Blue z 1 červienia źmianiła ŭmovy vypłaty najaŭnymi pa čeku Tax Free. U Biełarusi AAT «Technabank» pakryvaje PDV za pakupki na peŭnuju sumu, zroblenyja za miažoj paśla viartańnia ŭ respubliku. Bank absłuhoŭvaje čeki viadučych mižnarodnych kampanij pa viartańni padatkaŭ.
Ček Tax Free — heta dakumient, jaki vydajuć pakupnikam pry kupli tavaru za miažoj i pa jakim jany mohuć atrymać zvarot vypłačanaha PDV. Padatak na dadanuju vartaść u roznych krainach, dzie dziejničaje sistema čekaŭ Tax Free, moža składać ad 3 da 25%.
Dla atrymańnia kampiensacyi pa čekach Tax Free ŭ adździaleńni AAT «Technabank» hramadzianam treba pradjavić pašpart i pravilna aformleny ček. U banku źviarnuli ŭvahu, što ŭ kožnaj sistemy Tax Free mohuć adroźnivacca praviły afarmleńnia čekaŭ.
Z kampanijaj Global Blue pracuje kala 270 tysiač kram u mnohich krainach śvietu. Zbor patrabujecca ŭnieści pry lubym sposabie viartańnia PDV, u tym liku ŭ aeraporcie dziaržavy, dzie zroblenyja pakupki.
