Pra heta paviedamlaje Polskie radio.
«Ja abdumvaju ideju stvareńnia partniorskaha błoka dziaržaŭ ad Bałtyjskaha da Čornaha i Adryjatyčnaha moraŭ, — zajaviŭ u razmovie dla Polska Agencja Prasowa Andžej Duda. - Dziaržava mocnaja tady, kali jaje atačajuć chaŭruśniki — heta taksama elemient pavieličeńnia siły».
Havoračy pra adnosiny z krainami Centralna-Uschodniaj Jeŭropy, palityk skazaŭ, što polskaja ŭłada «dbaje pra toje, kab jany adnaŭlalisia i rabilisia lepšymi tam, dzie ciapier jany składanyja».
«U mižnarodnych pytańniach prezident źjaŭlajecca abaviazanym kanstytucyjna supracoŭničać z uradam», — zaciemiŭ Duda.
«Vielmi raźličvaju na takoje supracoŭnictva i sa svajho boku prapanuju aktyŭny ŭdzieł šlacham praviadzieńnia sustreč z kiraŭnikami dziaržaŭ Centralna-Uschodniaj Jeŭropy. Užo ciapier jość sihnały ad kiraŭnikoŭ dziaržaŭ rehijonu, jakija śviedčyć ab achvocie praviadzieńnia sustreč i pieramovaŭ», — pierakanany novaabrany prezident.
Nahadajem, ź idejaj stvareńnia błoka dziaržaŭ pamiž Bałtyjskim i Čornym moram jašče ŭ pačatku 90-ch hadoŭ vystupali biełaruskija nacyjanał-demakraty.
Stvareńniu takoha błoku pieraškadžaje toje, što dziaržavy, jakija nie miažujuć z Rasijaj niepasredna, nie bačać u tym patreby, bo pahroza rasijskaha ekspansijanizmu na ich niepasredna nie raspaŭsiudžvajecca. Akramia taho, Rasija zastajecca niezamiennaj krynicaj enierhanośbitaŭ i syraviny dla mnohich dziaržaŭ Centralnaj Jeŭropy. Da taho ž, u poŭnaj zaležnaści ad Maskvy znachodzicca Biełaruś — važnaje źviano ŭ bałta-čarnamorskich łancuhu. Narešcie, usie krainy rehijona, akramia Biełarusi, abjadnoŭvaje intehracyja ŭ Jeŭrasajuz — abjadnańnie macniejšaje i bolš pryvabnaje za patencyjnaje bałta-čarnamorskaje partniorstva.
