Śpiecpadraździaleńni palicyi Mali ŭziali šturmam hatel «Bibłas», dzie ŭzbrojenyja ludzi — mierkavana isłamskija ekstremisty — utrymlivali zakładnikaŭ. Vyzvalenyja ŭsie zakładniki, uklučajučy hramadzian Rasii i Ukrainy i supracoŭnikaŭ misii AAN.
Pavodle papiarednich dadzienych, zahinuli, pa mienšaj miery, siem čałaviek, siarod jakich malijskija vajennyja, supracoŭnik misii AAN i dvoje napadnikaŭ.
Adkaznaść za ataku pakul nie ŭziała na siabie ni adna z terarystyčnych hrupovak, adnak za niadaŭnija padobnyja ataki ŭ centry i na poŭdni krainy brali adkaznaść isłamskija ekstremisty.
Raniej nieviadomyja ździejśnili napad adrazu na dźvie haścinicy ŭ horadzie Sievary ŭ centralnaj častcy Mali. Na praciahu ŭsioj nočy ŭ zakładnikach u hateli «Bibłas» utrymlivali niekalki čałaviek, uklučajučy supracoŭnikaŭ misii AAN, hramadzianina Rasii i Ukrainy.
Ukraincu ŭdałosia ŭciačy.
Usiaho ŭ vyniku napadaŭ zahinuli pa mienšaj miery 13 čałaviek.
