112.ua
Sakratar RNBA Ukrainy Alaksandr Turčynaŭ zajaŭlaje, što Rasija rychtuje kryvavyja pravakacyi na ŭschodzie Ukrainy. Pra heta ŭ paniadziełak paviedamlaje pres-centr Rady nacyjanalnaj biaśpieki i abarony.
Pavodle infarmacyi RNBA, na akupavanaj terytoryi śpiecsłužbami Rasii rychtujucca kryvavyja pravakacyi ź vialikaj kolkaściu achviar.
«Na akupavanaj terytoryi rasijskimi śpiecsłužbami adbyvajecca padbor abjektaŭ masavaha zboru ludziej: dziciačyja sady, navučalnyja ŭstanovy, žyłyja damy, abjekty infrastruktury i h.d., i adpracoŭvajucca scenary arhanizacyi teraktaŭ», — skazaŭ jon
Sakratar RNBA dadaŭ, što kiraŭnictva stavić zadaču padčas teraktaŭ davieści kolkaść achviar siarod mirnaha nasielnictva na akupavanych terytoryjach «ŭ kolkaści, supastaŭnaj z kolkaściu zahinułych u vyniku trahiedyi rejsa MN17».
Turčynaŭ taksama adznačyŭ, što złačynnyja pravakacyi Maskva płanuje, kab abvinavacić kiraŭnictva Ukrainy ŭ złačynstvach suprać čałaviečnaści «i inicyjavać na mižnarodnym uzroŭni pytańnie ab pryciahnieńni ŭkrainskich uładaŭ da adkaznaści».
«Hetyja kryvavyja złačynstvy płanujuć arhanizavać pad vyhladam udaraŭ ukrainskich uzbrojenych siłaŭ u adkaz na šmatlikija pravakacyi», — rastłumačyŭ jon.
Turčynaŭ adznačyŭ, što pavodle zadumy rasijskich śpiecsłužbaŭ, «kryvavyja terakty majuć adciahnuć uvahu suśvietnaj hramadskaści ad adkaznaści Rasii za źbity «Boinh», lehitymizavać i apraŭdać aktyvizacyju rasijskaj ahresii, a taksama pazbavić Ukrainu padtrymki ŭ śviecie i pryvieści da jaje mižnarodnaj izalacyi».
