Pradstaŭnik Biełarusi na Jeŭrabačańni-2014 Tea (Juryj Vaščuk) ažaniŭsia ź viadučaj Volhaj Ryžykavaj.
Viasielle adbyłosia na minułych vychodnych ŭ minskim hateli «Piekin».
fota sa staronki Juryja Vaščuka ŭ fejsbuku
Juryj Vaščuk naradziŭsia ŭ 1983 h. U 2000-m byŭ zaprošany na pracu ŭ Nacyjanalny kancertny arkiestr pad kiraŭnictvam M. Finbierha. Razam z Aksanaj Viečar viadzie na Biełaruś-3 prahramu «Napierad u minułaje», dzie aŭtary jeździać pa biełaruskich rehijonach i zapisvajuć biełaruski falkłor.
U 2014-m pradstaŭlaŭ Biełaruś na «Jeŭrabačańni», dzie prajšoŭ u finał i zaniaŭ 16-je miesca.
Volha Ryžykava — viadučaja, salistka hurtu «Da Vinčy», byłaja siabroŭka lidara hurtu Dzianisa Dudzinskaha.
U intervju haziecie «Antienna» maładyja skazali, što chočuć mieć traich dziaciej.