12 žniŭnia ŭ Šalčyninkskim rajonie ŭ łahiery maładych strałkoŭ «Siła ŭ adzinstvie» prezident Litvy Dala Hrybaŭskajcie skazała, što ŭ vypadku ahresii Litvu abaraniali b hramadzianie ŭsich nacyjanalnaściaŭ.
Delfi.lt
U łahiery ŭ vioscy Paškaniaj na terytoryi litoŭskaj škoły znachodzicca 100 dziaciej. Sioleta da ich dałučylisia členy nacyjanalnych supołak Vilni i 10 padletkaŭ z Ukrainy. «Litvu lubiać, i ŭ vypadku nieabchodnaści, jaje buduć abaraniać hramadzianie ŭsich nacyjanalnaściaŭ. Heta dakazvajuć ŭdzielniki hetaha łahiera i ŭdzielniki ŭsioj dziejnaści strałkoŭ — litoŭcy, palaki, ruskija i ludzi inšych nacyjanalnaściaŭ, jakija chočuć navučycca abaraniać svaju krainu. U adzinstvie my — niepieramožnaja siła», — cytuje słovy prezidenta pres-słužba.
Hetym letam u 55-ci łahierach Litoŭskaha sajuza strałkoŭ adpačyvaje bolš za 4500 dziaciej. Junyja strałki vučacca teoryi i praktycy, udzielničajuć u roznych vučeńniach. ŁSS byŭ zasnavany ŭ 1919 h. U hady savieckaj akupacyi dziejnaść arhanizacyi była spynienaja. Sajuz adnavili ŭ vieraśni 1989 hoda. Ciapier u jaho šerahi ŭvachodziać amal 9000 dobraachvotnikaŭ.
