Śledčy kamitet zaviaršyŭ rasśledavańnie kryminalnaj spravy ŭ dačynieńni da arhanizataraŭ troch internet-mahazinaŭ, jakija ŭvachodzili ŭ skład rehijanalnaha padraździaleńnia mižnarodnaj złačynnaj arhanizacyi.
Nahadajem, pra zatrymańnie arhanizataraŭ internet-handlu i zakładčykaŭ śledčyja orhany abjavili ŭ lutym hetaha hoda. Kiraŭnikom i idejnym natchnialnikam stvareńnia na terytoryi Biełarusi rehijanalnaha padraździaleńnia źjaŭlaŭsia Juryj Zajcaŭ 1991 hoda naradžeńnia, jaki zaraz znachodzicca ŭ mižnarodnym vyšuku.
Pavodle infarmacyi śledčych orhanaŭ, maładyja ludzi, jakija źjaŭlalisia kiraŭnikami Tobaccoshop, Zakupon.by, Go Daddy, zajmalisia raspaŭsiudžvańniem psichatropaŭ praź internet z 2013-ha pa 2014 hod. U lutym 2014 hoda ŭ vyniku atručeńnia psichatropnymi rečyvami, nabytymi ŭ adnym z nazvanych mahazinaŭ, u Minsku pamior padletak 1998 hoda naradžeńnia.
Śledčymi vyjaŭlenyja šmatlikija epizody złačynnaj dziejnaści internet-mahazinaŭ, praduchilenaje raspaŭsiudžvańnie bolš jak 36 kh psichaaktyŭnych rečyvaŭ, 200 tysiač marak, častka ź jakich užo była apracavanaja śpiecyjalnymi reahientami i padrychtavanaja dla prodažu.
Ustanoŭleny kanał pastaŭki psichaaktyŭnych rečyvaŭ dla hetych internet-mahazinaŭ na terytoryju Biełarusi, a taksama atrymanyja źviestki ab dziejańni złačynnaj arhanizacyi ŭ Kazachstanie, va Ukrainie i ŭ Rasii.
Abvinavačańnie vystaŭlenaje piaci arhanizataram i čatyrom zakładčykam. Dziejańni siami fihurantaŭ kvalifikavanyja śledčymi na padstavie č. 4 art. 328 KK (niezakonny abarot narkotykaŭ), dziejańni jašče dvuch — na padstavie č. 4 art. 328 i č. 1 art. 144 KK (pryčynieńnie śmierci pa nieaściarožnaści). Rasśledavańnie kryminalnaj spravy ŭ dačynieńni da Zajcava praciahvajecca.
