Sistema adukacyi Biełarusi da pačatku navučalnaha hoda hatovaja. Pra heta ministr adukacyi Michaił Žuraŭkoŭ dałažyŭ kiraŭniku dziaržavy Alaksandru Łukašenku.
«My da škoły hatovyja ŭ poŭnaj miery. Usie pracy, jakija byli namiečany da pačatku letniaha pieryjadu, da 1 vieraśnia buduć vykanany ŭ poŭnym abjomie, — skazaŭ ministr. — Vykanany kapitalny i biahučy ramont škoł, ich abstalavańnie, u tym liku śpiecyjalnymi pryładami dla kabinietaŭ fiziki, chimii. Zakupleny novyja aŭtobusy dla arhanizacyi padvozu školnikaŭ z małych nasielenych punktaŭ u škoły ŭ bujnych rajcentrach».
«Mahu z poŭnaj upeŭnienaściu skazać, što sistema adukacyi da pačatku navučalnaha hoda hatova», — padkreśliŭ Michaił Žuraŭkoŭ.
Jon adznačyŭ, što sioleta ŭ krainie buduć likvidavany 45 małakamplektnych škoł, dzie kolkaść navučencaŭ mienš za 25. Hetyja vučni raźmierkavany pa najbližejšych škołach, budzie arhanizavany ich padvoz.
U toj ža čas u krainie adkryty 43 novyja navučalnyja ustanovy.
