Zabarona raźlivu ŭ PET-taru ŭ miežach JEAES moža pryvieści da krachu biełaruskaj piŭnoj pramysłovaści. Takoje mierkavańnie vykazaŭ žurnalistam 18 žniŭnia ŭ Minsku hienieralny dyrektar AAT «Krynica» Alaksandr Kižuk.
«Siońnia prykładna 70% rynku Biełarusi zajmaje piva ŭ PET-upakoŭcy. I admianić jaje, ja dumaju, budzie kracham nie tolki dla «Krynicy», ale i dla ŭsioj biełaruskaj piŭnoj pramysłovaści», — skazaŭ Kižuk.
Pavodle jaho mierkavańnia, rezka pamianiać strukturu spažyvańnia ŭ Biełarusi niemahčyma. «Pa-druhoje, u linii pa raźlivu byli ŭkładzieny vialikija inviestycyi, a pamianiać ich na raźliŭ u blašanku ci škło — heta jašče bolšyja inviestycyi, kupić novyja linii — miljony dalaraŭ. Akramia taho, jość pytańnie i z syravinaj dla ŭpakoŭki.
Blašanka ŭ nas u krainie nie vyrablajecca, a pry pryniaćci rašeńnia pra admienu, pavialičycca jaje ekspart u krainu. Jość pytańnie i da taho, ci chopić mahutnaściaŭ šklanoj pramysłovaści», — adznačyŭ Kižuk.
Jon zajaviŭ, što nie dakazana, što PET-upakoŭka ŭpłyvaje na jakaść piva i inšych napojaŭ. «Siońnia PET-butelka jość navat u takoj piŭnoj krainie, jak Hiermanija. Bolš za toje, jana ŭ ich abarotnaja, i nichto nie havoryć pra paharšeńnie jakaści ci škodu dla spažyŭcoŭ», — skazaŭ hiendyrektar.
Jon paviedamiŭ, što ahulnaje mierkavańnie biełaruskich pivavaraŭ suprać zabarony PET-tary padrychtavana Hildyjaj pivavaraŭ i nakiravana va ŭsie zacikaŭlenyja viedamstvy.
«Nie ŭ hety čas treba takoje rašeńnie prymać. Spačatku treba padniać kulturu spažyvańnia piva, a potym prymać takija rašeńni», — ličyć Kižuk.
Jon adznačyŭ, što biełaruskija pivavary vystupajuć suprać rehłamientavańnia doli soładavaj i niasoładavaj syraviny, jakoje zakładziena ŭ prajekt rehłamientu Mytnaha sajuza. «Tam zakładvajecca nie mieniej jak 80% soładavaj syraviny. U hetym płanie nam bajacca niama čaho, u nas pracent značna vyšejšy, my nie vykarystoŭvajem cukar, sirop i hetak dalej. Ale kali niama abmiežavańniaŭ — usim pracavać praściej. Siońnia jość popyt na roznaje piva, niezvyčajnaje, nietradycyjnaje. Pry adsutnaści abmiežavańniaŭ pracavać markietołaham i technołaham lahčej. Tamu my vykazvajem mierkavańnie, kab u nas było pole dla dziejnaści», — skazaŭ hiendyrektar pradpryjemstva.
