Fota sajta bestbag.by
«Hihijenisty ličać, što masa, jakuju pieranosić dzicia, pavinna składać nie bolš za 10% ad masy cieła.
Zychodziačy z hetych ličbaŭ, my ŭstanaŭlivajem normy pieranosu ciažkaści. Dla horada heta, moža, i nie aktualna, ale ŭ nas jość vioska, dzie dzieci chodziać pa 2-3 km pieššu», — zajaviła na pres-kanfierencyi 19 žniŭnia zahadčyca adździeła hihijeny dziaciej i padletkaŭ Respublikanskaha centra hihijeny, epidemijałohii i hramadskaha zdaroŭja Ała Małachava.
«My doŭha zmahalisia i praciahvajem baraćbu ź Ministerstvam adukacyi za pamianšeńnie masy školnych padručnikaŭ», — skazała Małachava.
Pry hetym jana zaznačyła, što faktyčna partfieli staršakłaśnikaŭ zvyčajna važać mienš, jak u vučniaŭ małodšych i siarednich kłasaŭ.
«Staršakłaśniki nie nosiać usie padručniki, jany damaŭlajucca. Naohuł heta narmalna, i nastaŭniki pavinny dazvalać nasić adzin padručnik na partu», — ličyć Małachava.
Akramia taho, pavodle jaje słoŭ, małodšyja školniki akramia padručnikaŭ nosiać u škołu dadatkovuju litaraturu, encykłapiedyi. «U nas u sanitarnych praviłach napisana, što možna maksimalna pakidać štości ŭ škole ŭ pačatkovych kłasach.
My pry praviercy zaŭsiody hladzim, kab byli šafy, kab u ich zachoŭvałasia ŭsio dla ŭrokaŭ pracy, kab dzieci nie nasili farby, albomy, nažnicy», — dadała śpiecyjalist.
