Pikiet z patrabavańniem vyzvalić zatrymanych hrafitystaŭ prajšoŭ viečaram 20 žniŭnia kala SIZA № 1 pa vulicy Vaładarskaha ŭ Minsku.
Jak paviedamiŭ sustaršynia arhkamiteta pa stvareńni partyi «Biełaruskaja chryścijanskaja demakratyja» Pavieł Sieviaryniec, akcyja praciahvałasia prykładna hadzinu. U joj udzielničała pryblizna 20 čałaviek: pradstaŭniki arhkamiteta BCHD, Partyi BNF, AHP i inš. Jany trymali płakaty z nadpisami «Svabodu Vadzimu Žaromskamu»», «Svabodu Maksimu Piakarskomu!», «Biełaruś pavinna być biełaruskaj».
Milicejski patrul znachodziŭsia pobač, ale ŭ padziei nie ŭmiešvaŭsia, abmiežavaŭšysia nazirańniem i pieramovami pa racyi: pikiet prachodziŭ u miežach zboru podpisaŭ za vyłučeńnie staršyni AHP Anatola Labiedźki kandydatam u prezidenty. Da miesca praviadzieńnia akcyi pryjazdžała zdymačnaja hrupa biełaruskaha telebačańnia.