«Dobra, što abodva adkazy napisanyja na niebłahoj biełaruskaj movie. Heta jaskrava śviedčyć pra toje, što dziaržaŭnyja ŭstanovy pry najmienšym žadańni mahli b vieści ŭsie słužbovyja spravy, listavańnie na movie tytulnaj nacyi», — kaža sp.Barščeŭski
U liście kiraŭnictva Partyi BNF da Malcava zakranałasia sytuacyi z navabrancam Źmitrom Žaleźničenkam, jakoha vyklučyli z Homielskaha dziaržaŭnaha ŭniversytetu, a paśla pryzvali słužyć u vojska.
«Ministar abarony ŭ svaim adkazie faktyčna ŭchiliŭsia ad abmierkavańnia dadzienaj prablemy, spasłaŭšysia tolki na rašeńnie sudu Savieckaha rajonu Homiela. Taksama Malcaŭ piša, što my možam abskardzić rašeńnie ŭ vyšejstajačych dziaržaŭnych orhanach abo u sudzie. Pa vialikim rachunku, hety list možna ličyć zvyčajnaj adpiskaj», — ličyć lider Partyi BNF.
Da rektara Mienskaha dziaržaŭnaha linhvistyčnaha universytetu Natalli Baranavaj Lavon Barščeŭski źviartaŭsia ŭ suviazi z adličeńniem z VNU studenta-pieršakurśnika Antona Kalinoŭskaha, jaki hetaj zimoj za akcyju salidarnaści adsiedzieŭ 15 sutak na Akreścina.
«Systematyčnyja propuski studenta, pasiŭnaść na zaniatkach i rehularnaja niepadrychtavanaść da ich, admoŭna adbilisia na vynikach semestravych kantrolnych prac. Pavažany Lavon Piatrovič, naša z Vami alma mater, Minski dziaržaŭny linhvistyčny univiersitet, byŭ i zastajecca navučalnaj ustanovaj, u jakoj vučacca i pracujuć ludzi roznych pohladaŭ na śviet, u čym možna lohka pierakanacca. Naša VNU vyłučaŭsia i vyłučajecca kłapatlivymi adnosinami da ŭsich talenavitych i pracavitych studentaŭ. My zaŭždy ŭvažliva i ŭzvažana prymajem rašeńni ŭ raznastajnych, časam vielmi niaprostych situacyjach, što adbyvajucca ŭ žyćci maładych ludziej, zaŭždy hatovyja iści im nasustrač», — adznačyła ŭ svaim liście N.Baranava.
Lavon Barščeŭski na heta kaža:
«Biezumoŭna, chaciełasia b vieryć słovam rektara Natalli Baranavaj. Ale, na žal, vypadak z Antonam Kalinoŭskim nia jość pieršym vypadkam adličeńnia moładzievaha aktyvista apazycyjnaj struktury z MDŁU».
Pakul na zvarot staršyni Partyi BNF nie adreahavaŭ tolki rektar BDU Vasil Stražaŭ.