Sajt vajskova-patryjatyčnaha kłuba «Kazacki Spas» kazak.by paviedamlaje, što ŭ Hancavičach (Bresckaja vobłaść) u ramkach rajonnaha śviata «Dzień moładzi» adbyłosia mierapryjemstva «Maładzieckija hulni». Ładzili ich kazaki z spartyŭnaha kłuba «Miadźviedź», a aktyŭny ŭdzieł prymali rasijskija vajskoŭcy.
«Tolki na nievialikaje miastečka Hancavičy prychodzicca adrazu try punkty z top-100 [prarasijskich arhanizacyj z rejtynha maładafrontaŭcaŭ]: kłub spartyŭna-bajavych adzinaborstvaŭ «Miadźviedź», baza Uzbrojenych sił RF i znoŭ ža kazaki. «Pahroza» z boku usiudyisnych kazakoŭ tłumačycca tym, što tyja trenirujucca ŭ kłubie «Miadźviedź» razam z vajskoŭcami rasijskaj stancyi RŁS», — miesiac tamu pisała vydańnie «Ruskaja płanieta».
Ad 2003 hoda ŭ Hancavičach pracuje rasijskaja radyjołakacyjnaja stancyja «Vołha». Zhodna ź biełaruska-rasijskimi pahadnieńniami «majomaść, infastruktura i ziamielny nadzieł» pieradadzienyja rasijskamu boku da 2020 hoda.
