 |
Da kanca hodu hramadzki transpart stalicy budzie abstalavanymi spadarožnikavymi pieradatčykami.
«Navihacyjnaja systema GPRS dazvolić nam kiravać transpartam jak adzinym arhanizmam, — kaža Ihar Dadałka, načalnik adździełu haradzkoj i pryharadnaj zamovy DU «Staličny transpart i suviaź». — Z dapamohaj novaj systemy možna budzie aperatyŭna vypraŭlać parušeńni intervałaŭ ruchu hramadzkaha transpartu, skaracić nulavyja prabiehi, uzhadnić raskład pracy aŭtobusaŭ, tralejbusaŭ i tramvajaŭ. GPRS‑datčyki navat dapamohuć zmahacca z zatorami.»
Pakul kamunalnym pasažyrskim transpartam u Miensku kirujuć z dapamohaj systemy, stvoranaj 30 hadoŭ tamu. U roznych miescach pad asfaltam «zašytyja» indukcyjnyja pietli, da jakich padviedzienyja telefonnyja linii. Kali pa takoj kantaktnaj kropcy prajaždžaje aŭtobus, syhnał pieradajecca ŭ dyspetčarski centar.
Paźniej da navihacyjnaj systemy planujecca padklučyć i maršrutnyja taksoŭki. A z časam udaskanalenaja aŭtamatyka budzie nia tolki pieradavać svaje kaardynaty ŭ dyspetčarski centar, ale i kantralavać raschod paliva, techničny stan mašyny, pieraścierahać pra tokaŭciečki ŭ tralejbusach.
Na prypynkach planujuć ustalavać hadzińniki, jakija buduć adličvać chviliny j sekundy da prybyćcia transpartu.
Adzin GPRS‑modul budzie kaštavać ad 800 tysiač da 1 miljona rubloŭ. Siońnia ŭ Miensku amal 3 tysiačy adzinak kamunalnaha pasažyrskaha transpartu.
