sk.gov.by
U akvaparku Dreamland adbyłosia ŭtapleńnie 10-hadovaha chłopčyka. Dźvie hadziny reanimacyjnych mierapryjemstvaŭ vyniku nie dali i jon pamior. Pra vypadak paviedamiła ŭ svaim fejsbuku aficyjny pradstaŭnik Śledčaha kamiteta Julija Hančarova.
U akvaparku Dreamland 22 žniŭnia kala 18 hadzin, adzin z naviedvalnikaŭ zaŭvažyŭ, što dziciaci stała drenna, paśla čaho dastaŭ jaho z vady. 10-hadovy chłopčyk znachodziŭsia biez prytomnaści. Była vyklikanaja bryhada chutkaj miedycynskaj dapamohi, jakaja dastaviła dzicia va ŭstanovu achovy zdaroŭja, dzie jon, nie prychodziačy ŭ prytomnaść, pamior.
Pa dadzienym fakcie na miesca zdareńnia vybyvała śledča-apieratyŭnaja hrupa USK pa h. Minsku. Śledčymi praviedzieny nieadkładnyja śledčyja i inšyja pracesualnyja dziejańni, paviedamlaje pres-słužba SK.
Praviedzieny ahlady, kanfiskavanyja proby vady, apytanyja naviedvalniki i rabotniki akvaparku, miedycynskija rabotniki, vyvučany videazapisy kamier nazirańnia. U chodzie raboty na miescy ŭtapleńnia dziciaci śledstvam kanfiskavana dakumientacyja, jakaja rehłamientuje dziejnaść supracoŭnikaŭ akvaparku, adkaznych za zabieśpiačeńnie biaśpieki. Pryznačanyja ekśpiertnyja daśledavańni, u tym liku sudova-miedycynskaja ekśpiertyza.
Pavodle papiarednich dadzienych, atrymanych śledstvam, śmierć chłopčyka nastupiła ŭ vyniku ŭtapleńnia.
Taksama ŭstanoŭlena, što zahinuły chłopčyk žyŭ u Hrodzienskaj vobłaści i haściŭ u Minsku ŭ siastry, ź jakoj i pryjšoŭ adpačyvać u akvapark.
Centralnym (h.Minska) rajonnym adździełam Śledčaha kamiteta Respubliki Biełaruś pa fakcie zdareńnia zaviedziena kryminalnaja sprava pa č. 2 art. 338 (akazańnie pasłuh, jakija nie adpaviadajuć patrabavańniam biaśpieki, što paciahnuła pa nieaściarožnaści śmierć čałavieka) Kryminalnaha kodeksa Respubliki Biełaruś.
Śledstva staranna raźbirajecca ŭ abstavinach zdareńnia, chod rasśledavańnia znachodzicca na kantroli ŭ kiraŭnictva viedamstva.
Śledstva taksama prosić adhuknucca śviedkaŭ i vidavočcaŭ zdareńnia i, u pryvatnaści, žančynu, jakaja akazvała dapamohu chłopčyku da pryjezdu chutkaj dapamohi. Źviartacca pa telefonach: (017) 288-74-02, (017) 288-85-03
