U Rasijskim sajuzie turindustryi paviedamili pra rekordnaje padzieńnie popytu na turystyčnyja pajezdki.
«Popyt zvaliŭsia praktyčna da nula, nichto ničoha ŭžo nie kuplaje», — raspaviała ŭ intervju RBK pres-sakratar sajuza turindustryi Iryna Ciuryna.
Akramia taho, zajaviła jana, rasiejcy pačali admaŭlacca ad raniej apłačanych turaŭ.
«Ludzi siońnia zrazumieli, što im treba dapłacić sumu, na jakuju jany nie raźličvali. Na minułym tydni taksama było tarmažeńnie popytu, ale ludzi sprabavali ŭkłaścisia ŭ toj biudžet, jaki jany vyłučyli na pajezdku. Jany skaračali kolkaść dzion u tury, jany brali hateli bolš nizkaj katehoryi, jany brali hateli nie ź vidam na mora, a na park, naprykład. Heta značyć, jany imknulisia ŭpisacca ŭ biudžet, ale siońniašni abvał pastaviŭ kryž i na hetych sprobach zekanomić», — patłumačyła Ciuryna.
Rasiejski rubiel pačaŭ apošni tydzień leta abvałam, abnaviŭšy minimalnyja značeńni 2015 hoda. U chodzie tarhoŭ u paniadziełak jeŭra prabiŭ adznaku ŭ 83 rubli, dalar padymaŭsia da 71,61.
