Viktar Hančarenka treniravaŭ BATE ź listapada 2007 h. pa kastryčnik 2013 h. i vyvodziŭ kłub u hrupavyja turniry Lihi čempijonaŭ i Lihi Jeŭropy.
Pa źviestkach pressball.by biełaruski trenier jekaciarynburhskaha FK «Urał» Viktar Hančarenka napisaŭ zajavu pa ŭłasnym žadańni i ŭžo pakinuŭ kamandu.
Hančarenka zajmaŭ pasadu hałoŭnaha treniera z 14 červienia 2015 hoda.
Pad jaho kiraŭnictvam «Urał» pravioŭ u čempijanacie Rasii šeść matčaŭ, u jakich zdabyŭ adnu pieramohu, dźvie ničyich i try projhryšy. Raniej 38-hadovy Hančarenka treniravaŭ krasnadarskuju «Kubań». A pieršym kłubam dla ŭradženca Chojnikaŭ byŭ barysaŭski BATE, jaki Hančarenka vyvieŭ u Lihu čempijonaŭ.
U rasijskim internecie pišuć, što Hančarenka syšoŭ, kab nie zdavać hulni hroźnienskamu «Cieraku» ŭ nastupnym tury. Hety matč nazyvajuć padazronym bukmiekierskija kantory. Kaeficyjent na pieramohu «Cieraka» składaje 1,4 da 1, na «Urał» — 5,4. Choć kamandy absalutna roŭnyja pa sile.
Jahony ŭčynak znajšoŭ padtrymku ŭ zaŭziataraŭ. Voś reakcyja na forumie sajta sports.ru.