Nina Korsak-Kit pamierła 2 červienia, paviedamlaje ńju-jorkskaja hazieta «Biełarus».
Naradziłasia 10 žniŭnia 1920 h. u Lebiedzievie (siońnia Maładziečanski rajon) ŭ siamji Ivana Korsaka i Natalli Hłod. Baćka byŭ kiraŭnikom carkoŭnaha choru, z prychodam savietaŭ byŭ aryštavany i adpraŭleny ŭ Sibir.
Nina Korsak vučyłasia ŭ Baranavickim nastaŭnickim instytucie. 17 žniŭnia 1940 h. uziała šlub z nastaŭnikam i hramadskim dziejačam Barysam Kitom. U Kitoŭ naradzilisia dvoje synoŭ: Uładzimir (1941—2009) i Viktar (1950). Šlub, darečy, byŭ skasavany ŭ 1975 h.
Z 1948 h. Kity žyli ŭ ZŠA: napačatku ŭ Saŭt-Ryviery, a zatym u Łos-Andžełasie (Kalifornija) i Kiensinhtanie (štat Meryłend).
Nina Korsak-Kit pracavała jak kampjutarny analityk va Univiersitecie Džordža Vašynhtona.
Hazieta «Biełarus» dadaje, što jaje ŭnučka Maryna i jaje muž byli nieadnarazovymi čempijonami nacyjanalnych spabornictvaŭ pa tenisie.
«Nina dobra hatavała biełaruskija stravy, jakija karystalisia papularnaściu. Jaje časta zaprašali hatavać dla viasiellaŭ, siabroŭskich i prafiesijnych sustrečaŭ. Jana ščodra dzialiłasia receptami nacyjanalnych straŭ, vystupała ŭ adpaviednych pieradačach na televizii. Śvietłaja pamiać našaj mamie i babuli», — napisaŭ u niekrałozie Viktar Kit.
