Školnyja rasprodažy ciapier u samym razhary. Baćki kidajucca z adnaho adździełu ŭ inšy, kab padrychtavać svaich vučniaŭ da novaha navučalnaha hoda.
U CUMie dziela hetaha navat pastavili namiot i naładzili prodaž na ŭvachodzie ŭ handlovy centr.
Nu što ž, pasprabujem razabracca, u kolki abydziecca siońnia sabrać dzicia ŭ škołu.
Školnaje pryładździe
Sšytki jość jak zvyčajnyja, tak i z vyraznymi malunkami.
Nabyć možna jak za 1500, tak i za 4000.
Asartymient pienałaŭ vialiki: jość dla dziaŭčat i dla chłapcoŭ, vialikija i maleńkija. Ale nastolki prymityŭnyja malunki… Tak, jany jaskravyja, ale mašynki i barbi ŭžo nie pryvabiać siońniašnich dziaciej.
Vokładki na knižki kaštujuć abo šmat, abo na ich niama ceńnika.
Novyja dziońniki z novymi cenami:
Akvarel i farby kaštujuć ad 10 da 30 tysiač.
Albomy dla malavańnia taksama majuć roznyja ceny. U zaležnaści ad jakaści papiery, možna nabyć i za 8-9 tysiač, a samyja jakasnyja kaštujuć bolš za 30 000. Pendźliki zaŭsiody byli darahimi. Siońnia CUM prapanuje pendźliki rasijskaj vytvorčaści «Palitra» koštami ad 36 da 301 tysiačy!
Ciapier usio heta treba skłaści ŭ zaplečnik ci sumku. Dla dziaŭčat jość tolki dva varyjanty:
Siaredni košt na zaplečnik — miljon. Na sumku — 1,5 miljony. Tut kožny abiraje adpaviedna biudžetu.
Z mužčynskimi usio praściej. Adna ź lubimych hulniaŭ školnikaŭ — Angry Birds. Zaplečnik z vyjavaj animavanych ptušak budzie kaštavać bolš za miljon.
Kali vaš vučań amatar bolš strohaha stylu, jość varyjant i dla jaho.
Jość navat i biudžetnyja varyjanty. Kali dobra pakapacca, to možna znajści adnosna dobryja zaplečniki ŭ suadnosinach cana/iakaść.
Spartyŭnaje adzieńnie
U pryncypie, asablivaj roźnicy pamiž dziciačym adzieńniem u hiendernym płanie niama. Dy i roźnicy ŭ CUMie asabliva nie pabačyć. Kažuć, što ŭniseks u modzie.
Što vyhadniej: nabyć spartyŭny kaścium ci asobna štany, majku i viatroŭku?
Voś bolš-mienš hodny spartyŭny kaścium:
Ciapier ža pasprabujem asobna ŭziać majku i štany.
Zvyčajnaja biełaja majka abydziecca vam u 91 000. Štany — 182 900. Całkam realna nabyć jakuju-niebudź viatroŭku za 300 000, i takim čynam vy zekanomicie. Ale časam baćki škadujuć času, nie zaŭvažajučy, što heta moža abyścisia im tańniej.
Što tyčycca spartyŭnaha abutku, to ŭsio nie tak kiepska. Jość dobryja varyjanty z adnosna siaredniami cenami.
Školnaja forma
Tut prosta žach. Časam zdajecca, što šyjuć biełaruskuju vopratku ludzi, jakija zusim ničoha nie razumiejuć u vopratcy. Kaniečnie, u kožnaha svoj hust, ale zhadziciesia, kali b rabili niešta dobraje, to ŭsie b raili i ŭsie chvalili. A tak zvyčajna čuješ tolki niehatyŭnyja vodhuki.
Vy b adzieli na svaju dačku voś heta?
A voś heta tłumačyć ustojlivy vyraz, pra toje, što dzieci chodziać u škołu jak na paminki:
Z žanočym adzieńniem u CUMie vialikija prablemy. Usio bolš-mienš pryhožaje — doraha. A tannaje prosta niemahčyma ŭjavić na dzieciach. Heta kłub hotaŭ niekich.
Voś takoje, na pieršy pohlad, firmovaje adzieńnie, kaštuje u miežach miljona.
Ź dziciačym dziavočym abutkam toje samaje. Uvažliva pahladzicie na jakaść i košt voś takoha abutku:
Jość i ŭniseks varyjant za 900 tysiač:
Tak navat zarobku i ŭ 500 dalaraŭ nie chopić. U asnoŭnym dziavočy abutak tak i kaštuje. Dzieści 800 tysiač, dzieści 1,5 miljona.
Znoŭ-taki, z mužčynskim adzieńniem kudy lahčej. Biełaruskich kaściumaŭ vialikaja kolkaść. Možna znajści i nie doraha, i roznaha koleru. Jakaść — inšaja sprava. Voś sami pahladzicie:
Kašuli jość prytalenyja i zvyčajnyja. U siarednim dziciačuju chłapčukovuju kašulu možna nabyć za 150-200 tysiač.
Z abutkam situacyja trochi mianiajecca. Možna šmat pačuć, što niama patrebnaha pamieru dla chłapcoŭ. Na kaho robiać biełaruski abutak? Na maleńkich chobitaŭ abo na hihanckich karlikaŭ? Ale jość i dobryja varyjanty, jak voś hety:
Na nazie, praŭda, jany hladziacca nie tak kruta.
Chłapčukovy abutak možna nabyć jak za 600 tysiač, tak i 350 tysiač.
Vierdykt
U pryncypie, kali zmarnavać ceły dzień na pošuk dobraha adzieńnia svajmu vučniu ci vučanicy, to možna znajści dla dziciaci niešta hodnaje. Pa hrošach heta abydziecca ŭ bolš za try z pałovaj miljona. Heta šmat? Tak. Ci možna biez hetaha abyścisia? Nie. Što rabić?
