Učora kala 22:00 na vulicy Surhanava ŭ Minsku pa tralejbusie, što prajazdžaŭ mima, strelili ź pnieŭmatyčnaha pistaleta. U tralejbusie byli pasažyry, ale, na ščaście, nichto nie paciarpieŭ. Było paškodžanaje tolki škło źleva. U vyniku praviadzieńnia apieratyŭna-vyšukovych mierapryjemstvaŭ supracoŭniki pravaachoŭnych orhanaŭ zmahli znajści «snajpiera».
Pra abstaviny zdareńnia paviedamili ŭ Śledčym kamitecie.
Vidavočcy pakazali na akno internata, śviatło u jakim adrazu ž paśla strełu zhasła, a akonnuju ramu chtości začyniŭ.
«Stralaŭ, jak vyśvietliłasia, 20-hadovy žychar Minska, rabočy staličnaha zavoda. U chodzie praviadzieńnia pieratrusu śledčymi pa miescy jaho žycharstva byŭ znojdzieny pnieŭmatyčny pistalet. Małady čałaviek zatrymany, u ciapierašni čas ź im pracujuć śledčyja. Vyśviatlajucca ŭsie abstaviny zdareńnia, pryznačany šerah sudovych ekśpiertyz», — raspaviali ŭ Śledčym kamitecie.
Fota sk.gov.by
