Ministr unutranych spraŭ Francyi Bernar Kaźnioŭ raspavioŭ pra novyja miery, nakiravanych na ŭmacavańnie biaśpieki na čyhunačnym transparcie ŭ Jeŭropie, jakija byli ŭzhodnieny krainami — členami ES na ekstranaj sustrečy ŭ Paryžy.
Napad na pasažyraŭ ciahnika Thalys Amsterdam — Paryž cudam udałosia spynić.
Samit byŭ pryznačany paśla napadu na pasažyraŭ vysakachutkasnaha ciahnika, jaki ruchaŭsia z Amsterdama ŭ Paryž, 21 žniŭnia, kali tolki dziakujučy rašučym dziejańniam niekalkich pasažyraŭ udałosia paźbiehnuć vialikaj kolkaści achviar.
Kaźnieŭ raspavioŭ ab čatyroch hałoŭnych novaŭviadzieńniach: heta ŭzmacnieńnie kantrolu za asobami pasažyraŭ i ich bahažom na stancyjach, uzmacnieńnie žorstkaści zakanadaŭstva ab abaračeńni ahniastrelnaj zbroi, a taksama bolš ciesnaje supracoŭnictva śpiecsłužbaŭ jeŭrapiejskich krain.
Ministr unutranych spraŭ Hiermanii Tomas de Meźjer zajaviŭ, što, choć i niemahčyma adrazu pačać pravierki miljonaŭ ludziej, jakija štodnia ździajśniajuć pajezdki čyhunačnym transpartam pa ŭsich krainach Jeŭrasajuza, ale prahresu ŭ hetym možna dasiahnuć.
U sustrečy brali ŭdzieł ministry z Francyi, Brytanii, Hiermanii, Italii, Ispanii, Bielhii, Luksiemburha, Niderłandaŭ i Šviejcaryi.
