Papularny amierykanski repier Kańje Uest u niadzielu, 30 žniŭnia, na cyrymonii MTV Video Music Awards zajaviŭ pra namier bałatavacca ŭ prezidenty Złučanych Štataŭ u 2020 hodzie.
Paśla taho, jak śpiavačka Tejłar Śvift uručyła Uestu śpiecyjalnuju premiju MTV imia Majkła Džeksana «Pryznańnie pakaleńnia», repier uziaŭ mikrafon i pramoviŭ natchniony 13-chvilinny śpič u asnoŭnym pra mastactva.
«Ja nie viedaju, što ja zhublu paśla hetaha. Ale heta i ŭsio roŭna, heta nie pra mianie. Heta pra idei. Pra ludziej ź idejami. Pra ludziej, jakija vierać u praŭdu. I, jak vy ŭžo mahli zdahadacca da hetaha momantu, ja vyrašyŭ bałatavacca na pasadu prezidenta ŭ 2020 hodzie», — skazaŭ jon pad kaniec i kinuŭ mikrafon pad apładysmienty hledačoŭ.
Ad jakoj partyi repier źbirajecca vyłučacca — pakul nieviadoma. Tym časam jaho žonka Kim Kardašjan uvajšła ŭ vybarčy štab Chiłary Klintan.