Narodnamu artystu RSFSR, talenavitamu akcioru teatra i kino Valancinu Haftu siońnia spaŭniajecca 80 hadoŭ.
Naradziŭsia Valancin Iosifavič Haft 2 vieraśnia 1935 u Maskvie. Paśla škoły pastupiŭ u Škołu-studyju MCHAT. Užo na trecim kursie jaho zaŭvažyŭ režysior Michaił Romm i zaprasiŭ u karcinu «Zabojstva na vulicy Dante». U 1969 hodzie Aleh Jafremaŭ, zaprasiŭ Hafta ŭ trupu «Sovriemieńnika». U hetym teatry Valancin Iosifavič pracuje mnohija hady.
Asabliva zapomniŭsia rolami ŭ filmach «Pra biednaha husara zamovicie słova», «Haraž», «Zabytaja miełodyja dla flejty» Eldara Razanava. Sam akcior ličyć svajoj lepšaj pracaj duet z Marharytaj Cierachavaj ŭ karcinie «Dzionny ciahnik».
Haft prasłaviŭsia jak aŭtar vostrych, časam źjedlivych epihram. Jon aŭtar niekalkich knih, u tym liku «Vierš i epihrama», «Valancin Haft», «Ja pastupova poznaju», «Žyćcio — teatr», «Sad zabytych ŭspaminaŭ», «Vieršy, uspaminy, epihramy».
Z 1993 hoda Haft žyvie z treciaj žonkaj aktrysaj Volhaj Astraumavaj, ź jakoj u jaho całkam harmaničny šlub: «Ja radujusia jaje pośpiecham, jana radujecca maim, kali jany jość».
***
Alaksandr Łukašenka pavinšavaŭ narodnaha artysta RSFSR Valancina Hafta z 80-hadovym jubilejem, paviedamili ŭ pres-słužbie kiraŭnika dziaržavy.
«U Biełarusi Vaša tvorčaść vyklikaje hłybokuju pavahu prafiesijanałaŭ i luboŭ udziačnaj publiki», — havorycca ŭ vinšavańni.
