Ź viečara sierady i ŭ čaćvier u Biełarusi rezka źmienicca charaktar nadvorja. Umovy nadvorja ŭ asnoŭnym stanie vyznačać atmaśfierny front, uśled za jakim pačnuć pastupać niaŭstojlivyja prachałodnyja pavietranyja masy.
Fota: Dźmitryj Bruško, TUT.BY
Dniom u čaćvier, 3 vieraśnia, u mnohich rajonach krainy stanie chaładniej. Nočču na bolšaj častcy krainy, a dniom pieravažna pa ŭschodniaj pałovie čakajucca navalnicy, pry navalnicach miescami škvalistaje ŭzmacnieńnie vietru paryvami da 15—20 m/s.
Ranicaj u asobnych rajonach słaby tuman. Tempieratura nočču 10…17°S, dniom 16…22°S; pa paŭdniovym uschodzie krainy jašče ciopła nočču 18…20°S, dniom 23…27°S.
U Minsku ŭ čaćvier karotkačasovy doždž, nočču navalnica. Viecier paŭdniova-ŭschodni ź pierachodam na paŭnočna-zachodni 4—9 m/s, pry navalnicy miescami pa horadzie škvalistaje ŭzmacnieńnie vietru paryvami da 15—20 m/s. Tempieratura pavietra minimalnaja nočču 15…+17°S, maksimalnaja dniom +18…+20°S.
Dalej niaŭstojlivy charaktar nadvorja buduć padtrymlivać atmaśfiernyja franty i prachałodnaja pavietranaja masa, a viatry paŭnočnaj čverci ŭzmocniać adčuvańnie prachałodnaha nadvorja.
4 vieraśnia, u piatnicu, nočču biez apadkaŭ, ranicaj i dniom pieravažna pa paŭdniova-zachodniaj pałovie karotkačasovyja daždžy, pa Bresckaj vobłaści miescami mocnyja daždžy. Dniom u asobnych rajonach navalnicy. Tempieratura nočču 7…12°S, pa poŭdni miescami da 14°S, dniom 17…24°S, pa paŭdniovym uschodzie da 26 ° S.
U subotu, 5 vieraśnia, nočču na bolšaj častcy, dniom u asobnych rajonach karotkačasovyja daždžy, miescami navalnicy. Tempieratura nočču 8…14°S, pa paŭdniovym uschodzie da 16°S, dniom 17…24°S.
U niadzielu miescami karotkačasovyja daždžy, navalnicy. Tempieratura nočču 7…14°S, dniom 16…23°S.