Pra śviatkavańnie dnia naradžeńnia
Ja budu śviatkavać dzień naradžeńnia ŭ kole blizkich i ludziej, jakija mianie padtrymlivajuć i źjaŭlajucca maimi adnadumcami. Heta vielmi vuzkaje koła. Navat nie dumała rabić hučnaj viečaryny!
Pra dasiahnieńni
Apošnija 10 hadoŭ byli dla mianie vielmi nasyčanymi. U hetym hodzie ja adśviatkavała 10-hadovy jubilej znachodžańnia na scenie. Za ŭvieś čas u mianie było nasyčanaje kancertnaje žyćcio, i ja hetym hanarusia. A atrymała vialiki dośvied, napeŭna stała mudrejšaj, spakajniejšaj u niekatorych rečach.
Što tyčycca majho asabistaha stanu siońnia, to heta stan harmonii. Samoje hałoŭnaje natchnieńnie ja šukaju ŭ tvorčaści, prahledžvajučy kancerty svaich kaleh, słuchajučy ich muzyku. Ich mastackija tvory mianie natchniajuć i padtrymlivajuć. Ale treba padkreślić, što vakoł mianie jość ludzi, jakija ŭ mianie vierać. Artyst nie moža isnavać, kali ŭ jaho nichto nie vieryć.
30 hadoŭ — heta toj uzrost, kali ty zrabiŭ niekatoryja pamyłki ŭ žyćci, jakija, mahčyma, nikoli nie paŭtoryš. Ty ŭžo viedaješ, što tabie treba ad žyćcia i da čaho ty idzieš. Mahčyma, ja pakul nie zusim viedaju, jakija kankretnyja pamyłki ja dapuściła. Treba zadumacca nad hetym u hod tak 50, kali ja pražyvu bolšuju častku svajho žyćcia. Ale daskanałaści niama miažy. Ja ŭpeŭniena ŭ tym, što toje, što sa mnoj adbyvałasia, było mnie nieabchodna.
Ja dumaju, što pamiž mnoj 10 hod tamu i mnoj siońnia jość vielizarnaja adlehłaść. Adzinaje, što mianie abjadnoŭvaje, heta viera ŭ cudy, budučyniu, aptymizm i, napeŭna, naiŭnaść, jakaja da siońniašniaha času va mnie prysutničaje. Ja vieru ŭ toje, što ŭsio budzie dobra.
Pra budučyniu
Na pačatku kastryčnika mianie možna budzie pabačyć na «Novaj chvali». Ja zaprošana hościaj ad Biełarusi. Ja płanuju vyvieści svaju tvorčaść na novy ŭzrovień. Mahčyma ja «ŭstakaniu» svajo asabistaje žyćcio. Viedajecie, my zaŭsiody płanujem, a atrymoŭvajecca pa-roznamu. Majo žyćcio zusim niepradkazalnaje. Siońnia samaje hałoŭnaje dla mianie harmonija. Pad hetym ja maju na ŭvazie sumiaščeńnie asabistaha žyćcia i tvorčaści, bo lubyja achviary u hetych nakirunkach nie apraŭdanyja.
