Małady čałaviek, jakoha padazrajuć u sprobie zhvałtavańnia dziaŭčyny ŭ padjeździe na vulicy Ščorsa ŭ Minsku, zatrymany. Pra heta paviedamili ŭ RUUS Maskoŭskaha rajona Minska. Viadziecca racśledavańnie spravy.
Złamyśnik pražyvaje na vulicy Rozy Luksiemburh. Pa słovach adnoj z susiedak mužčyny, jamu prykładna 21 hod, jon starejšy syn u šmatdzietnaj siamji. Jaho baćka znachodzicca ŭ miescach pazbaŭleńnia voli.
«Heta byŭ samy niepryjemny typ u našym dvary. I ŭ našaj kampanii byli kanflikty mienavita ź im, tamu što jon zaŭsiody byŭ chulihanam. Ale ja nie viedaju jaho imia, i my nie vitajemsia, tamu što heta vielmi niepryjemny čałaviek», — raspaviała jana.
Pa słovach žančyny, naŭrad ci mužčyna niedzie pracavaŭ — boŭtaŭsia pa rajonie z sabie padobnymi piersanažami.
Nahadajem, pozna ŭviečary 5 vieraśnia małady mužčyna napaŭ u lifcie na dziaŭčynu ŭ adnym z padjezdaŭ na vulicy Ščorsa. Dziaŭčyna zmahła dać adpor złamyśniku.
