Uładzimir Padrezaŭ zajaviŭ, što pad dyktoŭku śledstva ahavaryŭ biejsdžampieraŭ
Tahanski sud Maskvy pryznaŭ vinavatymi piaciarych fihurantaŭ kryminalnaj spravy ab pafarbavańni ŭ sini koler zorki na špili vyšynnaha doma na Kacielnickaj nabiarežnaj.
Z matyvirovačnaj častki prysudu sudździ vynikaje, što padsudnyja byli pryznanyja vinavatymi ŭ chulihanstvie.
Raniej prakuror zapatrabavaŭ pasadzić na try hady traich z čatyroch biejsdžampieraŭ, zatrymanych u minułym žniŭni kala stalinskaha hmacha ŭ Maskvie.
Vystupajučy padčas sprečak u paniadziełak prakuror zapatrabavaŭ dać pa try hady kałonii parašutystam-biejsdžampieram Alaksandru Pohrabavu, Alaksieju Šyrakažuchavu i Jaŭhienii Karatkovaj, a taksama rufieru Uładzimiru Padrezavu, što dapamahaŭ Mustanhu. Tolki parašutystcy Hańnie Lapioškinaj, jakaja ciažarnaja i chutka narodzić, dziaržabvinavaŭca prapanavaŭ pryznačyć tyja ž try hady ŭmoŭna.
Sami abvinavačanyja i ich advakaty paprasili całkam ich apraŭdać.
Maładych rasijanaŭ abvinavačvajuć u tym, što jany saŭdzielničali u akcyi ŭkrainca Mustanha 20 žniŭnia minułaha hoda — afarboŭcy vierchniaj častcy vielizarnaj žoŭtaj zorki ŭ sini koler i vyviešvańni na joj ŭkrainskaha ściaha — «pa matyvach palityčnaj nianaviści» i z metaj «destabilizavać sacyjalnuju abstanoŭku» ŭ Maskvie.
Čaćviora biejsdžampieraŭ tłumačyli, što skoknuli z vyšynnaha doma ŭ tuju samuju ranicu, kali na jaje zaleźli Mustanh z Padrezavym całkam vypadkova.
U vyniku sud apraŭdaŭ biejsdžampieraŭ Alaksandra Pohrabava, Alaksieja Šyrakažuchava, Jaŭhienu Karatkova i Hannu Lapioškinu.
Sudździa Maryna Arłova abviaściła, što Uładzimir Padrezaŭ ździejśniŭ dapamahańnie ŭ vandaliźmie pa matyvach palityčnaj nianaviści i jaho asudzili na 2 hady i 3 miesiacy kałonii.
