U Breście 15 vieraśnia ŭ 6.45 na vulicy Viasiołkavaj u DTZ paciarpieli dva piešachody.
Na nierehulavanym piešachodnym pierachodzie na siamiejnuju paru najechaŭ 62-hadovy kiroŭca «Reno-Safrana». Muž i žonka pierachodzili prajeznuju častku źleva naprava pa chodzie ruchu aŭtamabila.
Muž i žonka, jakija atrymali traŭmy, špitalavanyja ŭ Bresckuju abłasnuju balnicu. U reanimacyjnaje adździaleńnie źmieščany 55-hadovy mužčyna, u jakoha adkrytaja čerapna-mazhavaja traŭma, paškodžańnie ŭnutranych orhanaŭ. Jaho 56-hadovaja žonka z palitraŭmaj — u traŭmatałahičnaje adździaleńnie.
Ustanoŭlena, što aŭtamabilist byŭ ćviarozy. Sioleta jon dvojčy pryciahvaŭsia da adkaznaści za pieravyšeńnie ŭstanoŭlenaha chutkasnaha režymu i adzin raz za toje, što nie prapuściŭ piešachoda.
