Paru dzion nazad pisałasia pra vielmi cikavy prajekt — kryminalnuju kartu Minska, pry dapamozie jakoj možna pravieryć svoj rajon i dom na ŭčynienyja tam złačynstvy. Ale ŭ internecie jość i nie mienš karysnyja dla minčan zadumki — naprykład, rejtynh škoł stalicy.
Rejtynh vizualizavaŭ 30-hadovy prahramist ź Minska, natchniony adpaviednym materyjałam TUT.BY. Pavodle jaho słoŭ, u ciapierašni čas za ekśpiertnuju acenku uziaty pracent pastupleńnia ŭ VNU, ale ŭ płanach užo jość ŭskładnieńnie formuły na asnovie inšych dadzienych ab škole.
Rejtynh dziesiacibalny. «Dziasiatka» aznačaje, što ŭ hetaj škole pastupiła bolš za 90% vypusknikoŭ, «dziaviatka» — ad 80 da 90%, i hetak dalej. «Nuli» vystaŭleny novym škołam.
Jaŭhien raspavioŭ, što ŭ budučyni kryteryi buduć ŭklučać vyniki CT, vyjhranyja alimpijady, rejtynh nastaŭnikaŭ dadzienaj škoły, stan budynka škoły i terytoryi, inavacyi, mahčymaści dla invalidaŭ i inšyja faktary.
