Niezvyčajnaja akcyja «Pryjechaŭ na pracu na rovary — atrymaj apielsin!» adbudziecca ŭ Minsku 18 vieraśnia.
Aktyvisty Minskaha viełasipiednaha tavarystva i Centra ekałahičnych rašeńniaŭ zaachvociać sadavinaj minčan, jakija štodnia karystajucca rovaram — dla pajezdak na pracu abo vučobu, i ŭ tym liku skarystalisia rovaram ŭ hety dzień. Prychilnikam hetaha ekałahičnaha vidu transpartu sadavinu buduć razdavać na niekalkich ažyŭlenych vulicach horada. Tak arhanizatary akcyi chočuć adździačyć tym, chto vybiraje «zialony» transpart i palapšaje nie tolki svajo zdaroŭje, ale i spryjaje źnižeńniu vykidaŭ ad aŭtatranspartu.
Akcyja źjaŭlajecca adnym ź mierapryjemstvaŭ Tydnia jeŭrapiejskaj mabilnaści, u jakim sioleta voźmuć udzieł kala 1,5 tys. haradoŭ Jeŭropy. Kulminacyjaj Tydnia mabilnaści stanie Suśvietny dzień biez aŭtamabila (adznačajecca 22 vieraśnia).
Asnoŭnyja mierapryjemstvy Dnia biez aŭtamabila ŭ Minsku sioleta adbuducca 22 vieraśnia ŭ Łošyckim parku.