22 vieraśnia ŭ prodaž u Barysavie i Minsku pastupili kala 700 kvitkoŭ na futbolny matč hrupavoha raŭnda Lihi čempijonaŭ pamiž BATE i italjanskaj «Romaj» (jon projdzie 29 vieraśnia na «Barysaŭ-Arenie»).
A 10-j hadzinie kvitki pačali pradavać u minskim ofisie «Cikietpro». Kupić ich zmahli tyja, chto zajmaŭ čarhu ad 6-j da 8-j hadziny. Heta mienš za 100 čałaviek. Nieŭzabavie paśla 11-j u kasie biletaŭ nie stała.
Bolš za pałovu zaŭziataraŭ, jakija stajali ŭ čarzie, na futboł nie patrapiać. Pakolki ŭ adnyja ruki pradavali nie bolš za dva kvitki, atrymlivajecca, što ŭ stalicy realizoŭvali kala 200 biletaŭ. Astatnija 500 musili siońnia pradać u kasach «Barysaŭ-Areny».
Jak paviedamlałasia, raniej kvitki na ŭsie chatnija matčy hrupavoha raŭnda Lihi čempijonaŭ barysaŭčan byli imkliva pradadzienyja. Jašče 700 biletaŭ źjavilisia paśla taho, jak UEFA admoviłasia ad svajoj kvoty.
