Kandydat u prezidenty Mikałaj Ułachovič zaniepakojeny škodaj, jakuju babry nanosiać biełaruskamu rybavodstvu. Ab hetym jon zajaviŭ, vystupajučy 22 vieraśnia na Biełaruskim telebačańni.
«Ciapier pra tavarystva palaŭničych i rybałovaŭ. Ja za ekałahična čystuju pryrodu, ale tolki nie za košt našych rybałovaŭ i palaŭničych. Tyja abmiežavańni, jakija siońnia ŭviedzieny, treba pierahledzieć — jany nie zaŭsiody adkazvajuć siońniašniamu dniu, — skazaŭ jon. — Žyviolny śviet pavialičyŭsia ŭ Biełarusi. Užo babior pieraškadžaje našamu rybavodstvu, kaban — pasievam sielskahaspadarčych kultur. Jak heta strymlivać — pytańnie da našych palaŭnictvaznaŭcaŭ».
Ułachovič taksama vykazaŭ škadavańnie, što Dobraachvotnaje tavarystva sadziejničańnia armii, avijacyi i fłotu (DTSAAF) nie maje raniejšaha aŭtarytetu. «DTSAAF u prapahandzie padrychtoŭki abaroncaŭ radzimy zhubiłasia, ale heta važnaja arhanizacyja. Kali b ja byŭ prezidentam krainy, ja b surjozna padtrymaŭ by hetu arhanizacyju, asabliva pa padrychtoŭcy abaroncaŭ Ajčyny», — zajaviŭ Ułachovič.