Apieracyja ES pa baraćbie ź niezakonnaj pieravozkaj ludziej u Mižziemnamorji pačniecca 7 kastryčnika. Pra heta abviaściła siońnia viarchoŭny pradstaŭnik pa zamiežnych spravach i palitycy biaśpieki ES Fiederyka Mahieryni padčas naviedvańnia rymskaha štaba kamandavańnia dadzienaj apieracyjaj.
«Druhaja faza jeŭrapiejskaj apieracyi pa baraćbie ź pieravozčykami mihrantaŭ pačniecca 7 kastryčnika. Palityčnaje rašeńnie pryniataje, srodki hatovyja», — skazała jana.
Rašeńnie ab stvareńni asobnaj vajenna-marskoj misii pa ŭstalavańni kantrolu za mihracyjaj było pryniata na ŭzroŭni ES. Jaje pieršaja faza, raspačataja 22 červienia, zaklučałasia ŭ zbory infarmacyi. Jak raniej tłumačyŭ ministr zamiežnych spraŭ Italii Paoła Džanciłoni, druhi etap praduhledžvaje zatrymańnie i pravierku padazronych sudoŭ, što, jak miarkujecca, zajmajucca nielehalnaj transparciroŭkaj mihrantaŭ u Jeŭropu.
