Palitołah Vicis Jurkonis ličyć, što «nijakich sistemnych źmien u Biełarusi niama». Pra heta jon zajaviŭ u chodzie kanfierencyi «(Nie)demakratyčnaja Biełaruś: palityčnyja trendy i adukacyja» ŭ Vilni.
Delfi
Pavodle jaho słoŭ, jon moža paŭtaryć usio toje ž samaje, što kazaŭ napiaredadni minułych prezidenckich vybaraŭ u Biełarusi, za vyklučeńniem taho, što ŭ rehijonie ciapier źmianiajecca hieapalityčnaja abstanoŭka i Rasija pieražyvaje ekanamičnyja ciažkaści.
Što tyčycca zajavaŭ ab izalacyi Biełarusi, to Jurkonis śćviardžaŭ, što pa mienšaj miery ŭ vypadku ź Litvoj heta nie tak, pakolki MZS Litvy maje znosiny z kalehami ŭ Biełarusi, taksama prachodziać roznyja forumy, a biźnies idzie ŭ hetuju krainu aktyŭna.
«Jość roznyja forumy ŭ Litvie i Biełarusi. Ci varta kazać pra sankcyi? Heta realnyja sankcyi ci abmiežavalnyja miery i jak heta adbivajecca na ekanomicy Biełarusi, hramadstvie. Heta kropkavyja sankcyi, ale kali my pahladzim na abjomy handlu Biełarusi i jeŭrapiejskich krain, to ŭ bolšaści vypadkaŭ jany rastuć», — ličyć palitołah.
Jon taksama nahadaŭ, što Łukašenka budzie ŭdzielničać na mierapryjemstvie najvyšejšaha ranhu ŭ Ńju-Jorku, «ale byli sustrečy i raniej — aficyjnyja i nieaficyjnyja vizity ŭ Biełaruś, biełaruskija ministry naviedvali Jeŭropu».
Pavodle jaho słoŭ, ciapier Łukašenka i jaho režym, u adroźnieńnie ad režymaŭ Centralnaj Azii, usprymajecca jak «miakki», adnak tak było nie zaŭsiody.
«I sprava nie tolki ŭ palitviaźniach. Jak nakont źnikłych 15 hadoŭ tamu apanientaŭ? Usie spravy nie byli całkam rasśledavanyja. My nie pavinny zabyvać pra heta, Jeŭropa pavinna kazać hučna i vyrazna, što kali my havorym pra krainu ź viaršenstvam zakona, a ź nie vybarčym pravasudździem, jany (jeŭrapiejcy) pavinny sačyć za hetymi spravami», — ličyć palitołah.
«Kali my havorym pra palityčnych źniavolenych, to my viadoma vielmi rady vyzvaleńniu, za ich svajakoŭ, ale my nie pavinny zabyvać, što nichto ź ich nie byŭ reabilitavany i my nie ŭpeŭnienyja, što ich nie aryštujuć praź miesiac», — śćviardžaŭ palitołah.
Tak što, pa jaho słovach, jość šmat momantaŭ, jakija pakazvajuć nam na toje, kab nie być zvyšaptymistyčnym z nahody Biełarusi. Ź inšaha boku, treba vieści havorku pra mahčymaści apazicyi i hramadzianskaj supolnaści. I ŭ suviazi z hetym patrebnaja doŭhaterminovaja pierśpiektyva.
«Apazicyja padzielenaja i nikoli nie była adzinaj. Jana nie była hatovaja da vybaraŭ. Apazicyi patrebnaja ahulnaja stratehija», — kazaŭ jon.
Kanfierencyja «(Nie)demakratyčnaja Biełaruś: palityčnyja trendy i adukacyja» prachodziła ŭ Vilni 24 vieraśnia z udziełam pradstaŭnikoŭ Litvy, palitykaŭ, hramadskich dziejačaŭ, pradstaŭnikoŭ zamiežnaha dypkorpusa, biełaruskich arhanizacyj, apazicyi i h.d.
