Centr vizualnych i vykanalnickich mastactvaŭ «ART Karparejšn» pačynaje ŭ Minsku prajekt TheatreHD — tranślacyi najlepšych pastanovak sa scen Mietrapoliten-opiery (Ńju-Jork), Karaleŭskaha Nacyjanalnaha teatra (Łondan), Šekśpiraŭskaha teatra «Hłobus» (Łondan), Karaleŭskaj Šekśpiraŭskaj kampanii (Stratford-na-Ejvanie) i Vialikaha teatra (Maskva).
Adkryćcio adbudziecca 3 kastryčnika. U kinateatry «Centralny» (19.55) u pramoj tranślacyi pakažuć «Trubadura» Džuzepe Vierdzi ŭ pastanoŭcy Mietrapaliten-opiery.
TheatreHD — prajekt, jaki abjadnoŭvaje bolš za 35 haradoŭ Rasii, Ukrainy, Kazachstana, a ciapier i Biełarusi. U ramkach hetaha prajekta na ekranach kinateatraŭ demanstrujucca teatralnyja, opiernyja i baletnyja pastanoŭki samych viadomych scen śvietu. U režymie realnaha času na vialikim ekranie možna ŭbačyć viadomych vykanaŭcaŭ, pabyvać na śpiektaklach, pra jakija kaža ŭvieś śviet.
U kastryčniku hledačoŭ čakaje jašče šeść pakazaŭ, siarod jakich «Žyzel» Vialikaha teatra (Rasija), premjera «Ateła» u Mietrapoliten Opiera i — padarunak dla prychilnikaŭ sieryjała BBC «Šerłak» i filma «Hulnia ŭ imitacyju» — śpiektakl «Hamlet» teatra «Barbikan» u vykanańni Bieniedykta Kambierbetča.