Ad 29 kastryčnika ŭ prakat vychodzić rasijski multfilm «Krepaść». Najchutčej, što jaho pakažuć i ŭ biełaruskich kinateatrach. U stužcy paŭstajuć padziei vajny 1609—1618 hadoŭ pamiž Rasijaj i Rečču Paspalitaj, a mienavita abłoha Smalenska. I našy prodki tam vystaŭlajucca ŭ niehatyŭnym śviatle.
My paprasili vykazać svajo staŭleńnie da hetaha multfilma staršyniu Tavarystva biełaruskaj movy, historyka Aleha Trusava. Darečy, Trusaŭ pachodzić ź blizkich ad Smalenska miaścin, jon naradziŭsia ŭ Mścisłavie.
«Vialikaj škody ad hetaha mulcika być nie pavinna. Čamu ciapier źjaviŭsia hety mulcik? Bo im mulaje tema Smalenska. A tema Smalenska ŭźnikaje tady, kali padaje impierski ŭpłyŭ Rasii. Kali ŭsio dobra, to nichto takich mulcikaŭ nie zdymaje.
A samaje śmiešnaje ž, što zamak ruskija nie zdoleli advajavać, Smalenskuju vajnu jany prajhrali. Našy vojski ŭziali Smalensk i pa Devulinskim pieramirji dałučyli da Vialikaha Kniastva Litoŭskaha. Było adnoŭlena Smalenskaje vajavodstva z tryma pavietami — Mścisłaŭskim, Smalenskim i Staradubskim. Vychvalacca Rasii tut niama čym», — ličyć Aleh Trusaŭ.