Fota Reuters
Zajava Ministerstva justycyi RF ab mahčymaści pieradačy lotčycy Nadziei Saŭčanka va Ukrainu paśla asudžeńnia dla adbyćcia pakarańnia śviedčyć ab tym, što jaje nievinavataść całkam dakazanaja.
Pra heta advakat Saŭčanka Mark Fiejhin napisaŭ u tvitary.
«Takim čynam, u suviazi z zajavaj Miniusta RF ab mahčymaści pieradačy Saŭčanka va Ukrainu paśla asudžeńnia dla adbyćcia pakarańnia … Miniust RF ahučyŭ ŭmovy: pryznańnie Ukrainaj (a mabyć, i samoj Saŭčanka) prysudu rasijskaha suda i harantavać adbyvańnie pakarańnia», — adznačyŭ jon.
«Dla jasnaści. Pryznańnie Ukrainaj prysudu rasijskaha suda moža zakryć mahčymaści dla abskardžańnia rašeńnia pa Saŭčanka ŭ JESPČ», — padkreśliŭ advakat.
Na dumku Fiejhina, harantyi adbyćcia Saŭčanka pakarańnia va Ukrainie — heta «abciažarańnie krainy abaviazacielstvami vonkavaha charaktaru».
Na pytańnie, što rabić Ukrainie, advakat prapanuje zhadžacca.
«Paśla atrymańnia Saŭčanka nieadkładna adpuścić i śmiajacca ŭ hołas, pakazvajučy ŭ bok Kramla palcam», — napisaŭ jon.
«Zajava Miniusta RF śviedčyć ab adnoj vielmi važnaj rečy: abarona Saŭčanka całkam dakazała nievinavataść Nadziei. Tamu i mitusiacca», — pierakanany Fiejhin
