Fiederalnaja słužba pa vieterynarnym i fitasanitarnym nahladzie zakłapočana situacyjaj ź fitasanitarnym stanam biełaruskaj bulby, paviedamlaje sajt viedamstva.
Tak, pry praviadzieńni karancinnaha fitasanitarnaha kantrolu biełaruskaj bulby byŭ vyjaŭleny niekarancinny rehulavany arhanizm — kalcavaja bakteryjalnaja hnil bulby (Clavibacter michiganensis subsp. Sepedonicus (Spieckermamm & Kotthoff) Devisetal).
«Ukazany abjekt źjaŭlajecca karancinnym abjektam dla Respubliki Biełaruś, i pastupleńnie zaražanaj pradukcyi, u supravadžeńni fitasanitarnaha siertyfikata RB, vyklikaje surjoznuju zakłapočanaść Raśsielhasnahladu», — adznačajecca ŭ paviedamleńni.
Źviartaje na siabie ŭvahu toj fakt, što, niahledziačy na prysutnaść dadzienaha zachvorvańnia ŭ pieraliku karancinnych abjektaŭ Respubliki Biełaruś, kalcavaja bakteryjalnaja hnil bulby raspaŭsiudžana ŭ 28 rajonach Biełarusi, padkreślivaje Raśsielhasnahlad.
Adhruzka ŭ Rasiju zaražanaj kalcavoj bakteryjalnaj hnili bulby, miarkujučy pa miescy afarmleńnia fitasanitarnaha siertyfikata, adbyvałasia mienavita z zaražanaha rajona (Homielski rajon). Pry hetym u fitasanitarnych siertyfikataŭ, vydadzienych Hałoŭnaj dziaržaŭnaj inśpiekcyjaj pa nasieńniavodstvie, karancinie i achovie raślin Respubliki Biełaruś, jakimi supravadžajecca padkarancinnaja pradukcyja, było ŭkazana, što jana vyraščana ŭ svabodnaj zonie.
«Hety fakt naŭprost śviedčyć nie tolki pra nieefiektyŭnaść biełaruskaj sistemy fitasanitarnaha kantrolu, ale i ŭ čarhovy raz paćviardžaje aściarohi Raśsielhasnahladu, źviazanyja z harantavańniem biełaruskim bokam fitasanitarnaj biaśpieki na źniešnim kontury Jeŭrazijskaha ekanamičnaha sajuza», — zaznačajecca na sajcie viedamstva.