U Połacku maładaja siamja ŭratavałasia z pałajučaha doma dziakujučy katu.
112.by
Pažar adbyŭsia ŭnačy 5 kastryčnika ŭ žyłym domie pa vuł. 2-ja Łuhavaja. 26-hadovaja haspadynia pračnułasia ad taho, što kot drapaŭ jaje pa tvary, i pabačyła mocnaje zadymleńnie ŭ pakoi.
Žančyna razbudziła svajho muža. Akazałasia, što vieranda ŭžo całkam była achoplena ahniom, i vychad z domu zabłakavany. Mužčyna viarnuŭsia ŭ spalniu, razam z žonkaj i dziciem jany vybralisia praz akno i paviedamili pra zdareńnie ŭ słužbu MNS.
U vyniku pažaru siamja nie paciarpieła. U domie źniščany dach, stolevaje pierakryćcie, paškodžanyja ścieny, majomaść. Pryčyna pažaru vyśviatlajecca.
0
0
0
0
0
0
