Troje mužčyn biez peŭnaha miesca žycharstva pranikli ŭ haraž žychara Mazyra, prałamaŭšy ŭ im ścianu, adnak vybracca nazad zmahli nie ŭsie.
Jak paviedamlaje UUS Homielskaha abłvykankama sa spasyłkaj na namieśnika načalnika Mazyrskaha RAUS Uładzimira Staravojta, incydent zdaryŭsia 4 kastryčnika ŭ haražnym kaapieratyvie na vulicy Internacyjanalnaj rajcentra.
Mužčyny źbiralisia pažyvicca zapasami na zimu, jakija znachodzilisia ŭ haražy. Prałamaŭšy ścianu, jany pranikli ŭnutr, znajšli pradukty charčavańnia i zładzili ŭ pamiaškańni impravizavanuju pahulanku. Ale nieŭzabavie byli zaśpietyja haspadarom.
Ź miesca złačynstva biazdomnyja sprabavali ŭciačy praz toj ža prajom. U dvuch heta atrymałasia, a treci nie zmoh pracisnucca ŭ adtulinu.
Złodzieja na miescy zdareńnia zatrymali supracoŭniki departamienta achovy. Paźniej milicyjaniery znajšli i jaho saŭdzielnikaŭ. Materyjały pa fakcie zdareńnia pieradadzienyja ŭ Mazyrski RASK dla raspačynańnia kryminalnaj spravy.