Pra heta paviedamiŭ dyrektar dziaržaŭnaj ustanovy «Staličny transpart i suviaź» Valeryj Škurataŭ siońnia ŭ čas pramoj telefonnaj linii z nasielnictvam horada.
Piłotny prajekt miarkujecca realizavać u rajonie stancyi mietro «Kamiennaja horka» (vulicy Łabanka — Prytyckaha). Novuju schiemu ruchu transpartu, arhanizujuć, u pryvatnaści, na troch prypynkach hramadskaha transpartu. «U ciapierašni čas my šukajem krynicu finansavańnia prajekta. Zamoŭcam vystupić UKB Frunzienskaha rajona, padradčykam — «Ramaŭtadar», — adznačyŭ Valeryj Škurataŭ.
Pa płanach, hramadski transpart budzie chadzić pa druhoj pałasie, na pieršaj pałasie raźmieściać prypynačnyja punkty. Pry hetym zonu pasadki nakryjuć śpiecyjalnym, bolš ustojlivym, kalarovym asfaltam. «Harramaŭtadar» Minharvykankama hatovy nanosić taki skład, dla piłotnaha prajekta farbu daje biaspłatna inviestar», — prainfarmavaŭ dyrektar DU «Staličny transpart i suviaź».
Na dumku ekśpiertaŭ, stvareńnie adasoblenaj pałasy pavialičyć chutkaść hramadskaha transpartu prykładna na 10 km/h. Na siońniašni dzień aŭtobusy i tralejbusy ruchajucca pa horadzie ź siaredniaj chutkaściu 16 km/h.
