Staršynia CVK Lidzija Jarmošyna ŭ efiry kanała «Biełaruś 1» zaklikała vybarščykaŭ zachoŭvać zhodu ŭ sercach, u siemjach i na vybarčych učastkach.
«Ja prašu być adkaznymi ŭ hety dzień, sabranymi i talerantnymi. Nam treba zachoŭvać zhodu i ŭ našych sercach, i ŭ našych siemjach, i ŭ pamiaškańni vybarčych učastkaŭ. I tady ŭ nas usio atrymajecca, i vybary ŭ nas buduć abaviazkova pravilnymi», — skazała Lidzija Jarmošyna.
Pa słovach staršyni CVK, siońnia nie tolki adkazny, ale i śviatočny dzień.
«Zaŭsiody ŭ našaj krainie dzień vybaraŭ — śviata. Tym bolš taki dzień, kali abirajecca kiraŭnik dziaržavy — budučynia našaj krainy na bližejšyja piać hadoŭ», — skazała jana. Lidzija Jarmošyna zaklikała ŭsich vybarščykaŭ, chto hetaha jašče nie paśpieŭ zrabić, pryjści na vybarčyja ŭčastki i addać svoj hołas
