Dniom 12 kastryčnika ŭ Minsku supracoŭniki hałoŭnaha ŭpraŭleńnia kryminalnaha vyšuku MUS Biełarusi pry padtrymcy śpiecyjalnaha atrada chutkaha reahavańnia ŭnutranych vojskaŭ zatrymali hramadzianina Uźbiekistana 1956 hoda naradžeńnia.
Jak paviedamlaje MUS, pa inicyjatyvie HUUS Taškienta mužčyna znachodziŭsia ŭ miždziaržaŭnym vyšuku z krasavika minułaha hoda. U siabie na radzimie zatrymany ŭčyniŭ machlarstva, prysvoiŭšy prykładna 20 tysiač dalaraŭ ZŠA.
Zatrymany prybyŭ u Biełaruś z Rasii i chavaŭsia ŭ Minsku na arandavanych kvaterach. Tut jon raźličvaŭ zajmacca kamiercyjnaj dziejnaściu, dla čaho ŭžo paśpieŭ zarehistravać firmu.
Zatrymańnie adbyłosia kala adnoj z bankaŭskich ustanoŭ stalicy, dzie fihurant sprabavaŭ adkryć rachunak. Ciapier jon źmieščany ŭ IČU HUUS Minskaha harvykankama da razhladu pytańnia ab vydačy pravaachoŭnym orhanam Uźbiekistana.
