Biełaruskaja čyhunka pa ŭzhadnieńni z AAT «RČ» z 15 kastryčnika źnižaje košt prajezdu pasažyraŭ u pieravozkach z Rasijaj, paviedamili ŭ pres-centry BČ.
Košt prajezdu płanujecca źnizić u siarednim na 12 pracentaŭ. Skidki buduć dziejničać da kanca biahučaha hoda.
Naprykład, košt prajezdu pa maršrucie Minsk — Maskva ŭ kupe niefirmiennaha pojezda źnizicca na Br140 tys. i składzie Br1 016 tys., u płackartnym vahonie — na Br80 tys. da Br562 tys., a na bakavych miescach — na Br65 tys. da Br507 tys.
Akramia taho, da źnižanaha koštu prajezdu zachoŭvajucca skidki da 15 pracentaŭ u zaležnaści ad terminaŭ nabyćcia prajaznych dakumientaŭ dla kupejnych vahonaŭ i vahonaŭ SV; 10 pracentaŭ - pry prajeździe pasažyra na bakavych miescach u płackartnym vahonie; 10 pracentaŭ — pry adnačasovym afarmleńni biletaŭ u abodvuch napramkach pry prajeździe ŭ vahonach SV i kupejnych vahonach asobnych pajazdoŭ.
Taksama pry prajeździe arhanizavanych hrup pasažyraŭ zachoŭvajucca skidki da 30 pracentaŭ ad ahulnaha koštu prajezdu pry nabyćci hrupavoha bileta ŭ zaležnaści ad ahulnaj adlehłaści pajezdki i kolkaści pasažyraŭ u hrupie.
Ź infarmacyjaj ab košcie prajezdu i ŭmovami prymianieńnia skidak možna aznajomicca na aficyjnym sajcie biełaruskaj mahistrali, a taksama ŭ słužbach daviedak i biletnych kasach Biełaruskaj čyhunki.
