Minsk—Hrodna
Ciahnik ź Minska adpraŭlajecca ŭ 16:56 i prybyvaje ŭ Hrodna ŭ 22:03. Za 37 800 vy možacie pajechać jak u ahulnym vahonie, tak i ź miescami dla siadzieńnia. Mašrutka na Hrodna siońnia kaštuje 120 tysiač, pry hetym siarod roznych firm niama anijakaj kankurencyi, bo paŭsiul adzin i toj ža košt. Z aŭtobusami ŭsio ŭvohule kiepska, jechać doŭha, a košt jašče vyšejšy, čym na maršrutcy.
Minsk—Homiel
U 18:08 ź Minska adpraŭlajecca ciahnik, jaki budzie ŭ Homieli ŭžo ŭ 21:46. Košt jaho – 45 400 za vahon ź miescami dla siadzieńnia. Na maršrutcy dajechać da Homiela kaštuje 110 tysiač, ale adna z maršrutak robić nievierahodnuju dla biznesu akcyju – kali vy pieršym anłajn zamovicie mašrutku, to pajedziecie na joj za 5 tysiač, Karł! Na aŭtobusie znoŭ-taki košty zavyšanyja – 110 tysiač za toje, kab jechać 5 hadzin.
Minsk—Viciebsk
Samym tannym maršrutam znoŭ budzie ciahnik. 17:19 prajezdam budzie jechać ciahnik Baranavičy-Paleskija – Viciebsk-Pasažyrski. Płackart kaštuje 52 600, prybyćcio a 21:52. Maršrutka kaštuje 100 tysiač i jedzie 3,5 hadziny. Što tyčycca aŭtobusaŭ, to ŭ 16:25 z Uschodniaha aŭtavakzała adpraŭlajecca aŭtobus na Viciebsk za 98 tysiač. Cikava, ci ekanomić chto-niebudź 2 tysiačy dziela taho, kab prajechać na aŭtobusie?
Minsk—Mahiloŭ
Ciahnik da Mahilova-1, jaki adpraŭlajecca a 19:33 i prybyvaje a 23:01, kaštuje 30 500 u ahulnym vahonie. Mašrutka kaštuje 100 000 i jedzie 2,5 hadziny. Na aŭtobusie znoŭ vychodzić daražej – 102 800 kaštuje aŭtobus, jaki jedzie 4 hadziny.
Minsk—Brest
U 17:30 ź Minska adpraŭlajecca ciahnik da Brest, jaki prybyvaje u 21:42 i kaštuje 37 800. Ale jechać pryjdziecca ŭ ahulnym vahonie. Maršrutak na Brest nie znajšłosia. Aŭtobus, jaki adpraŭlajecca u 18:00 i prybyvaje ŭ 23:00, kaštuje 154 600. Heta niešta nievierahodnaje.
Minsk—Połack
U Połack na ciahniku ź Minsku možna patrapić tolki ŭ 01:43. Ciahnik kaštuje 52 600, a jechać budziecie ŭ płackarcie. Mašrutka kaštuje 70 000, ale adpraŭlajecca kožnuju hadzinu ź Minska i jedzie 3 hadziny. U 16:10 ź minskaha Uschodniaha aŭtavakzała chodzić aŭtobus, jaki kaštuje 82 600 i prybyvaje ŭ Połack u 20:45.
Minsk—Baranavičy
U Baranavičy chodzić ciahnik za 24 900. Čas pajezdki 17:30—19.09 u ahulnym vahonie. Maršrutka da Baranavičaŭ kaštuje 100 000 i dajazdžaje za dźvie hadziny. Samy aptymalny pa časie aŭtobus adjazdžaje z Centralnaha AV ŭ 18:30 i prybyvaje ŭ Baranavičy ŭ 20:45. Pajezdka na aŭtobusie abydziecca ŭ 71 000.
Minsk—Salihorsk
Ź ciahnikami u słuckim kirunku prablemy. Nijakich elektryčak, tamu pryjdziecca jechać tolki ź pierasadkami praz Asipovičy. Ale za heta vy addaścio nia bolš za 30 tysiač. Maršrutka kaštuje 70 tysiač i jedzie dźvie hadziny. Aptymalny aŭtobus adpraŭlajecca ŭ 16:30 z Uschodniaha AV, prybyvaje ŭ 19:15 i kaštuje 73 tysiačy.
Minsk—Mazyr
U Mazyr pramych ciahnikoŭ taksama niama, tamu pryjdziecca jechać praz Kalinkavičy. Mazyrskija maršrutki taksama ładziać akcyju ź piaćciu tysiačami, dastatkova tolki pieršym zamović mašrutku na sajcie. A tak maršrutka kaštuje 80 000. U 17:20 z Uschodniaha AV idzie aŭtobus da Mazyra, jaki prybyvaje ŭ 21:45 i kaštuje 124 700.
Minsk—Babrujsk
U Babrujsk dabracca ciahnikom nie prablema. U 17:00 adpraŭlajecca ciahnik ź Minska, jaki prybyvaje ŭ 18:42 i kaštuje 36 100. Maršrutka kaštuje 50 000 i jedzie 2 hadziny. Z Uschodniaha AV chodziać šmat aŭtobusaŭ da Babrujsku, jość varyjant u 17:00, jaki prybyvaje ŭ Babrujsk u 18:50 i kaštuje 79 000.
Minsk—Barysaŭ
Ź Minska na ciahniku da Barysava možna dajechać za 30 900. Adpraŭleńnie ŭ 17:19, prybyćcio ŭ 18:26. Elektryčkaj budzie jašče tańniej: niedzie kala 10.000. Da Barysava chodziać i pryvatnyja maršrutki z vulicy Słavinskaha. A voś aŭtobusaŭ šmat. Chodziać amal kožnyja 20 chvilin i kaštujuć 25 000.
Minsk—Maładziečna
Ciahnik da Maładziečna kaštuje pa-roznamu. Jość ekanomny variant u 18:55 za 29 100, ciahnik prybyvaje ŭ 19:50.Jość i elektryčki ŭsiaho za 10.000. Pryvatnyja maršrutki da Maładziečna chodziać ad stancyi «Družnaja» i st.m. Puškinskaja kožnyja 20 chvilin i kaštujuć 35 tysiač. Praŭda, nidzie košty ich nie napisanyja. Što tyčycca aŭtobusaŭ, jość varyjant za 48 200 z Centralnaha AV. Adpraŭleńnie ŭ 17:10, prybyćcio – 18:55.
Minsk—Lida
U 16:56 ź Minska ŭ Lidu adpraŭlajecca ciahnik, jaki prybyvaje ŭ 20:10 i kaštuje 30 500. Maršrutka kaštuje 60.000 i chodzić amal kožnuju hadzinu. Z Uschodniaha AV chodziać aŭtobusy. U siarednim kaštujuć pa 60 000, jość varyjant u 17:55 za 51 200. Aŭtobus jedzie 3 hadziny.
Minsk—Žłobin
Ciahnikom jość samy tanny varyjant za 44 100. Adpraŭleńnie ŭ 18:49, prybyćcio ŭ 21:10. Maršrutka kaštuje 100 000, chodzić redka i jedzie 3 hadziny. Z aŭtobusami taja ž prablema i košt toj ža samy. Aŭtobus i maršrutka adpraŭlajucca ź Minska tolki ŭ 07:00 i 08:20.
I, viadoma, vy možacie zaŭsiody prajechacca aŭtaspynam ci płanavać maršruty ź pierasadkami, što vyjdzie vam jašče tańniej.
