 A. Sent-Ekziupery |
Rypert raspavioŭ, što 63 z pałovaj hady tamu jon źbiŭ samalot, u jakim znachodziŭsia Sent‑Ekziupery.
«Kali b ja viedaŭ, što heta byŭ Sent‑Ekziupery, ja b nikoli nia źbiŭ jaho», skazaŭ były piłot. Chorst Rypert całkam pierakanaŭčy, kali kaža pra toje, što daviedaŭsia, chto byŭ za šturvałam samalota, šmat paźniej.
Jak viadoma, 31 lipienia 1944 h. Antuan de Sent‑Ekziupery, jaki słužyŭ u vajenna‑pavietranych siłach Francyi, vylecieŭ z aeradromu na Sardzinii ŭ raźviedvalny palot kursam na Marsel. Bolš jaho nia bačyli.
Vykazvańni Ryperta paćviardžajucca źviestkami ź niekalkich krynic. Naprykład, zapisami radyjopierachvatu pieramovaŭ francuskich aeradromaŭ, jakija ažyćciaŭlali niamieckija vojski.
U toj ža čas śćvieržańni niamieckaha piłota supiarečać inšym versijam. U žurnałach Luftvafe nie było znojdziena zapisaŭ pra samalot, źbity ŭ toj dzień u miascovaści, dzie prapaŭ aŭtar «Maleńkaha prynca». Znojdzienyja ŭ 2003 h. na marskim dnie abłomki samalota nia mieli jaŭnych śladoŭ abstrełu. Vysoŭvalisia mierkavańni pra niaspraŭnaści źniščalnika, na jakim lotaŭ Sent‑Ekziupery, i navat viałosia pra mahčymaje samahubstva piśmieńnika.
Na momant hibieli vialikamu humanistu było 44 hady, jon pieražyŭ niekalki avaryj, pakutvaŭ na boli ad starych ran i pakutvaŭ ad depresij. Niezadoŭha da rakavoha dnia Sent‑Eksu naohuł zabaranili lotać, ale biez palotaŭ jon užo nia moh: adrenalin byŭ dla jaho adzinym vyratavalnikam.
Francuskija daśledčyki śćviardžajuć, što samalot uvajšoŭ u vadu na vialikaj chutkaści i amal vertykalna. U momant sutyknieńnia z vadoj adbyŭsia vybuch. Abłomki mašyny raskidała pad vadoj na vialikaj adlehłaści. Nie było znojdziena nivodnaha z frahmentaŭ čałaviečaha cieła.
Adzinaja reč Antuana de Sent‑Ekziupery, što acaleła ŭ katastrofie, ‑‑ srebny brnazalet, na jakim było vyhraviravana imia piśmieńnika, imia jaho žonki i ńjo‑iorskaja adresa vydaŭca, što vypuściŭ «Maleńkaha prynca».
