Budaŭnictva carkvy ŭ honar livijskich pakutnikaŭ — 21 kopta, zabitych džychadzistami ŭ Livii ŭ lutym hetaha hoda, pačałosia ŭ jehipieckim pasieliščy Sałamut.
Košt budaŭnictva aceńvajecca ŭ 1,3 młn dalaraŭ, i pałova hetaj sumy ŭžo sabrana. Jehipieckija chryścijanie vitajuć rašeńnie prezidenta krainy Abdel Fatacha As-Sisi pabudavać chram u Sałamucie — pasiołku, adkul byli rodam amal usie pakutniki.
Pradstaŭnik kopta-katalickaj carkvy śviatar Rafik Hrejšen nazvaŭ rašeńnie prezidenta Sisi «važnym, bo doryć nadziei». Heta «pazityŭny sihnał» dla jehipieckich chryścijanaŭ. Śviatar vykazaŭ upeŭnienaść u tym, što ciapierašniaja ŭłada skončyć z dyskryminacyjaj chryścijan. «Siońnia musulmanie staviacca da nas značna lepš, čym raniej, bo sam urad padaje dobry prykład», — kaža ajciec Hrejšen.
Prezident Sisi taksama zaklikaŭ chryścijan bolš aktyŭna ŭdzielničać u palityčnym žyćci, udzielničać u vybarach, vyłučać svaje ŭłasnyja kandydatury ŭ vybarnyja orhany ŭłady, umacoŭvać svaju prysutnaść u nacyjanalnym parłamiencie.
