Kiraŭnik dziaržavy Alaksandr Łukašenka padpisaŭ ukaz №435 u suviazi sa składańniem uradam Biełarusi svaich paŭnamoctvaŭ pierad iznoŭ abranym prezidentam.
Pra heta paviedamili ŭ pres-słužbie biełaruskaha lidara. U adpaviednaści z častkaj 11 artykuła 106 i punktam 7 artykuła 84 Kanstytucyi premjer-ministru, jaho namieśnikam, ministram, staršyniam dziaržaŭnych kamitetaŭ i kiraŭniku Aparata Savieta Ministraŭ daručana ažyćciaŭlać svaje paŭnamoctvy da farmiravańnia prezidentam novaha składu Savieta Ministraŭ šlacham vydańnia kiraŭnikom dziaržavy pravavych aktaŭ ab pryznačeńni na nazvanyja pasady.
U novy skład Savieta Ministraŭ pa pasadzie ŭvachodziać kiraŭnik Administracyi prezidenta Biełarusi, staršyni Kamiteta dziaržaŭnaha kantrolu, Prezidyuma Nacyjanalnaj akademii navuk Biełarusi, Nacyjanalnaha statystyčnaha kamiteta, praŭleńnia Biełaruskaha respublikanskaha sajuza spažyvieckich tavarystvaŭ.
