U Minsku ŭ studzieni—vieraśni ŭstanoŭlena 950 čałaviek, jakija žyvuć nie pa srodkach. Pra heta paviedamiŭ načalnik inśpiekcyi Ministerstva pa padatkach i zborach pa Minsku Andrej Sabaleŭski siońnia na apieratyŭnaj naradzie ŭ Minharvykankamie.
U pryvatnaści, u studzieni—vieraśni supracoŭniki staličnych inśpiekcyj praviali 1,8 tys. pravierak vykanańnia fizičnymi asobami zakanadaŭstva. U vyniku ŭ biudžet pastupiła Br11,9 młrd, ustanoŭlena bolš za 950 hramadzian, vydatki jakich nie adpaviadajuć prybytkam.
Tak, naprykład, inśpiekcyja pa Leninskim rajonie Minska praanalizavała infarmacyju ŭ dačynieńni da niepracujučaha hramadzianina. Pa najaŭnych źviestkach, dachodaŭ jon nie mieŭ, pry hetym ździejśniŭ kuplu aŭtamabila (Br200 młn) i kvatery (Br639 młn). Inśpiekcyja zapatrabavała ŭ jaho dekłaracyju ab dachodach i majomaści, pa vynikach kantrolnych mierapryjemstvaŭ ustanoŭlena pieravyšeńnie raschodaŭ nad dachodami ŭ pamiery Br858,9 młn. Z sumy pieravyšeńnia vydatkaŭ nad dachodami pradjaŭleny padachodny padatak u pamiery Br103 młn.
Dadzienaja suma pastupiła ŭ biudžet u poŭnym abjomie, infarmavaŭ kiraŭnik inśpiekcyi.
