Ciaham 2009 hoda mužčyna hvałciŭ dačku svajoj sužycielki, raspavioŭ načalnik adździeła pa narkakantroli i supraćdziejańni handlu ludźmi Maładziečanskaha RAUS Dźmitry Suchocki.
Jak paviedamlaje śledčy, u kvateru, dzie žyŭ asudžany, prychodzili i inšyja dzieci, znajomyja dački sužycielki. Jon hvałciŭ ich taksama: i chłopčykaŭ, i dziaŭčynak, biez razboru. Samym małodšym było pa 9 hadoŭ.
Paśla 2009 hoda mužčyna pierastaŭ hvałcić i viarnuŭsia da narmalnaha žyćcia. Dzieci nikomu ničoha nie raskazvali, a sužycielka ni pra što nie zdahadvałasia.
– Joj ciažka pavieryć i dahetul, – zaznačaje Dźmitry Suchocki. – Padčas rasśledavańnia pravodzili śpiecyjalnyja ekśpiertyzy, ź dziećmi razmaŭlali ŭ prysutnaści śpiecyjalnych psichołahaŭ.
Paciarpieli troje. Uzbudzili dziesiać kryminalnych spraŭ, pakolki ad damahańniaŭ dzieci paciarpieli nie adzin raz.
Śledčy miarkuje, jany vielmi doŭha maŭčali, tamu što mužčyna ich zapałochvaŭ. Dzieci ničoha nie kazali ni svaim adnahodkam, ni baćkam.
Niekalki miesiacaŭ tamu hvałtaŭnika asudzili na 15 hadoŭ źniavoleńnia. Rasśledavańnie spravy ciahnułasia ciaham čatyroch miesiacaŭ.
— Heta naturalna, bo treba było pracavać ź dziećmi, – tłumačyć śledčy. — Dzicia nie stanie tak prosta raskazvać svajakam ci supracoŭnikam milicyi pra hvałt. Ź imi musiać razmaŭlać śpiecyjalisty. Dzicia moža prosta zamknucca i tady ŭvohule nikomu ničoha nie raspaviadzie.
Jak zaŭvažaje Dźmitry Suchocki, apošnim časam dosyć časta vypłyvajuć takija spravy. Kolkaść raskrytych złačynstvaŭ pa piedafilii pavialičvajecca. U asnoŭnym heta padziei, jakija adbyvalisia nie ŭ bližejšy čas, a našmat raniej. Sioleta heta adzinaja raskrytaja sprava pa piedafilii.
Asudžanaha zatrymali ŭ studzieni 2015 hoda. Raniej jon žyŭ kala Čyści, potym pierabraŭsia ŭ Maładziečna. Mužčyna ŭžo byŭ sudzimy.
Adkul stała viadoma pra hvałt, śledstva nie raskryvaje.
Ciaham 2015 hoda supracoŭniki pa narkakantroli vyjavili 69 złačynstvaŭ. Ź ich 38 adnosiacca da ciažkich i asabliva ciažkich. Pieravažna źviazanyja z prodažam narkotykaŭ.
